سەرۆکێ ھەرێما کوردستانێ پەسەندکرنا بودجەیا ئیراقێ ب دەستپێکەکا باش و پالدەرەک بۆ چارەکرنا کێشەیێن دیێن ھەولێرێ و بەغدا ب ناڤ کر، دەستخۆشی ژی ل جێگرێ سەرۆکێ حکومەتێ و سەرۆکێ شاندێ ھەرێما کوردستانێ بۆ بەغدا کر.
نێچیرڤان بارزانی د پەیامەکێ دا دەستخۆشیەەکا تایبەت ل قوباد تالەبانی و شاندێ دانوستاندکارێ ھەرێمێ و فراکسیۆنێن کوردستانی کر کو پشتەڤانێن ھەڤدو بوون بۆ بنەجھکرنا پشکا ھەرێمێ د بودجا گشتییا ئیراقێ دا.
نێچیرڤان بارزانی د پەیاما خوەدا ب ھەلکەفتا پەسەندکرنا بودجا گشتی، پیرۆزباھی ل گەلێ ئیراقێ کر و دەستخۆشی ل ھەمو فراکسیۆنێن جڤاتا نوونەران کر.
نێچیرڤان بارزانی، سەرۆکێ ھەرێما کوردستانێ د پەیاما خوەدا ھیڤی خواستن ھەموو ئالی پێگیریێ ب وێ قانوونێ بکەن و گۆت: پەسەندکرنا بودجەی دشێت ببیتە دەستپێکەکا باش بۆ چارەکرنا کێشەیێن دی یێن د ناڤبەرا ھەولێرێ و بەغدا دا، ھەروەسا دێ بیتە ئەگەرێ ب ھێزکرنا پرۆسەیا سیاسی و پێکڤەژیان ودابینکرنا مافێ وەلاتیبوونێ بۆ ھەموو کەسان.
