وەزارەتا دەرڤە یا ئەمریکا راگەھاند، ئەرکێ وان ل دژی رێکخستنا تیرۆرستییا داعشێ ب داوی نەھاتیە و ھەڤپەیمانییا ناڤدەولەتی رژدە ل سەر وێرانکرنا دوژمنان. وەزارەتا دەرڤە یا ئەمریکا بەیانەک ب ھەلکەفتا دەربازبوونا دو سالان ل سەر داعشێ ل دەڤەرێن ژێر کۆنترۆلا ئیراقێ و سووریێ بەلاڤ کر و پەسنا قوربانیدان و وێرەکیا ھێزێن پێشمەرگەیێ کوردستانێ و ھێزێن کوردی و ئیراقی کر، دوپاتی ژی ل بەردەوامییا کاری د گەل وان ھێزان کر بۆ زێدەکرنا فشاران ل سەر بەرمایکێن داعشێ ل وان دەڤەران. راگەھاند ژی، ھەڤپەیمانییا ناڤدەولەتی رژدە ل سەر وێرانکرن و ژناڤبرنا دوژمنان و دێ ل سەر ئەرکێن خوە ل ئیراقێ و سووریێ و وەلاتێن دی بەردەوام بیت. وەزارەتا دەرڤە یا ئەمریکا ئاشکرا کر، بەری دو سالان ھەڤپەیمانییا ناڤدەولەتی یا شەرێ دژی داعێ د گەل ھەڤپشکێن خوە یێ خوەجھی شکەستن ب داعشێ ئینا و دێ بەردەوام بن دا شکەستنا داویێ ب گرۆپێن توندرەو بینن.
