ئەڤرۆ چارشەمبى، 3 ئادارا 2021، ل سەلاحەددین سەرۆک بارزانی پێشوازی ل د. نەسر هەریری سەرۆكێ ئیئتیلافا نیشتیمانییا سووریێ و شانده‌كێ ل گه‌ل دا كر.
د وێ كۆمبوونێ دا ره‌وشا سیاسی یا سووریێ و دووماهى پێشهاتێن ل سەر ئاستێ سووریێ و ڤێ ده‌ڤه‌رێ گوتۆبێژ كرن و سەرۆكێ ئیئتیلافا نیشتیمانییا سووریێ، سوپاسییا سەرۆك بارزانی و هەرێما كوردستانێ كر، كو هەردەم هه‌ڤسۆز بووینه بۆ خه‌لكێ سووریێ و پێشوازی ل سەدان هزار ئاوارە و پەنابەرێن سووریێ كرینه. هەروەسا هه‌لكه‌فتێن هه‌یڤا ئادارێ بلند نرخاندن كو بەشه‌كێ گرنگ یێ خەباتا گەلێ كوردستانێ پێكدئینن.
د هه‌مان كۆمبوون دا سەرۆك بارزانی جەخت ل سه‌ر هندێ كر، كو ئه‌و ل گه‌ل هندێ دایه قەیرانا سووریێ بگه‌هیتە چارەسەرییه‌كا وەسا كو ئارامی و تەڤایی د ناڤبه‌را گەلێن سووریێ و هەموو پێكهاتەیان هه‌بیت.
هەروەسا بارزانی دووپاتكریه، ئەو روودانێن ل عەفرینێ ڕووداین، جهێ نیگەرانیێ نه و ب بایەخڤە ته‌ماشه‌ى رێره‌وا روودانان و ئاینده‌یێ گەلێ كورد ل سووریا دكەن و هیڤى خواست د ئایندەیێ سووریا دا بەرژەوەندییا گەلان و پێكهاتێن سووریێ ل بەر چاڤ بهێته گرتن.
