ل دهۆكێ حه‌ب د ناڤا کێکه‌كا ئیرانی دا هاته‌ دیتن

ل ئێک ژ مارکێتێن دھۆکێ دا د ناڤا جورەکێ کێکەکا ئیرانی دا حەبکەک دھێتە دیتن.
خودانێ ئێک ژ مارکێتێن دھۆکێ كو نه‌ڤیا ناڤێ وى بهێته‌ ئاشكراكرن بۆ خانى نیوز: د دەما کرینا کێکەکا ئیرانی د ناڤا مارکێتا وی دا ژلایێ کچەکا تەمەن ١٠ سالی ڤە پشتی ئەو کێکە ڤەکری دیار بۆ کۆ حەبکەک د ناڤا وێ کێکێ دا ھەبوویە.
ناڤبری دیارکر ژی: بەریا نھا د ناڤا ھندەک جۆرێن دیتر یێن کێکێن وەلاتێ ئیرانێ دا تشتێن وەھا ھاتینە دیتن وەکو ھەبوونا موویان دناڤا کێکان دا.

ئاماژەکر ژی، پشتى دیتنا وێ حه‌بێ ھەر زوو وى پەیوەندی ب ساخلەمییا دھۆکێ کریە بۆ دووفچوون ل سەر وی جورێ کێکێ.

ژلایێ خوه‌ڤه‌ د. ئاراز مستەفا رێڤەبەرێ پشکا چاڤدێرییا ساخلەمییا دھۆکێ: دیارکر پشتی ژ ئالیێ خودانێ وێ مارکێتێ ڤە ھاتینە ئاگەھدارکرن کۆ ئەو حەبە د ناڤا وێ کێکێ دا ھاتییە دیتن ئێکسەر تیمێن وان دەست ب ڤەکۆلینێ کریە و سەرەدانا وی جھی کریه‌ ب تایبەت کۆگەھا وێ کۆمپانیێ بۆ دووڤچوون ل سەر وی بابەتى و ئه‌و کێکە دێ ھێنە رەوانەکرن بۆ پشکا تاقیگەھا.

گۆت ژی ئەگەر ھات و ئەو چەندە ل سەر ھاتە ساخکرن دێ ئەو کۆمپانی ل دووڤ یاسایێ ھێتە سزادان.

خانی نیوز: ئاریان بەرواری