پارێزگه‌رێ دهۆكێ: نزیكى 4 ملیار دینار بۆ 6 پرۆژه‌یان هاتن ته‌رخانكرن

پارێزگارێ دهۆکێ شەش پرۆژێن دەڤەرداریێن زاخۆ و ئامێدیێ ب کۆژمێ سێ ملیار و حەفسەد و حەفتێ و هەشت ملیۆن دیناران رەوانەیی جێ بەجێکرنێ کرن.

عه‌لى ته‌ته‌ر پارێزگارێ دهۆكێ د هژمارا خوه‌ دا د تۆرا جڤاكییا فه‌یسبۆكێ به‌لاڤكریه‌: ئەڤرۆ رۆژا چوارشەمبی رێکەفتی 24-2-2021 دچوارچووڤێ پرۆژه‌یێن دەڤەرداریێن زاخۆ و ئامێدیی یێن پێش وەخت رەزامەندییا حکومەتا هەرێما کوردستانێ هاتییەدان وان شەش پرۆژە ب کۆژمێ سێ ملیار و حەفسەد و حەفتێ و هەشت ملیۆن دیناران رەوانەی جێ بەجێ کرنێ کرن كو ب ڤی رەنگێ ل خوارێ:

– پرۆژێ چێکرنا تۆڕا ئاڤێ ل تاخێن”گۆلان، زێ، شەهیدان، بانک، کوکەریا” و چێکرنا ئاڤا گوندێ “بیرا رۆژهەلات” و چێکرنا توڕا ئاڤێ یا تاخێ سیریا کەڤن ل سنورێ ناوچەدارییا شێلادزێ.

-چێکرنا رێکێن ناڤخۆیی ل گوندێن مرێبکا و مێرستەک ل سنورێ دەڤەردارییا ئامێدیی.

– نووژەنکرنا رێکا گوندێ ئاڤ گەنی-لێڤو ب درێژاهییا ٥کم ل سنورێ دەڤەردارییا زاخۆ.

– بەرفرەهکرنا جادا سەرەکییا دەروازە و رێکێن ناڤخۆیی ل سەنتەرێ ناوچەدارییا سەرسنکێ.

-چێکرنا تۆرا ئاڤێ ل کۆمەلگەها بریفکا و ئاڤا سەرەکییا گوندێ ئورە ل سنورێ ناوچەدارییا کانی ماسێ.

– نووژەنکرنا ئاڤاهییەکێ حکۆمی بۆ رێڤەبەرییا پاسپۆرتا دەڤەردارییا ئامێدیی دگەل خزمەتێن پێدڤی.