ل نه‌جه‌فێ 470 تووشبوو یێن كۆڕۆنایێ هاتنه‌ تۆماركرن

ل پارێزگه‌ها نه‌جه‌فێ، د ماوه‌ی 24 ده‌مژمێرێن بوری دا 470 تووشبوو ب ڤایرۆسێ كۆرۆنایێ هاتنه‌ تۆماركرن ئه‌و ژى ب رێژه‌كا بلند دهێته‌ هژمارتن.

ئه‌ڤڕۆ ئه‌ینی 19-2-2021، رێڤه‌به‌رییا ساخله‌مییا نه‌جه‌فێ، به‌لاڤكرییه‌، كو د ماوه‌ی 24 ده‌مژمێرێن بوری دا، 470 تووشبوو ب ڤایرۆسێ كۆرۆنایێ ل پارێزگه‌ها نه‌جه‌فێ هاتنه‌ تۆماركرن، و دیاركر ژى هه‌ر د ئه‌وى ماوه‌ى دا 175 كه‌س چاكبووینه‌ و 2 كه‌سان ژى گیانێ خۆ ژ ده‌ست دایه‌‌.

‌چه‌ند رۆژه‌كه‌ ئامارێن كۆرونایێ ل ئێراقێ به‌ره‌ف زێده‌بوونێ چووینه‌ و جورێ نوو یێ كۆرونایێ ژى هاتیه‌ تۆماركرن، هه‌رێما كوردستانێ ژى ئاماده‌كاریان بۆ ئه‌گه‌رێ بلندبوونا رێژا تووشبوویان ب كۆرونایێ دكه‌ت.