ئەڤرۆ رۆژا چارشه‌مبی ١٧-٢-٢٠٢١ ل رێڤەبەرییا گشتی یا وەبەرهێنانێ ل پارێزگەها دهۆکێ و ب سەرپەرشتییا رێڤەبەرێ گشتی یێ وەبەرهێنانێ کوردۆ ئحسان و رێڤەبەرێن دیتر یێن پەیوەندیدار کۆمبوون هاتە ئەنجامدان، و دەرگەهـ هاتە ڤەکرن بۆ وەرگرتنا پڕۆپۆزەلان.
کوردۆ ئحسان رێڤەبەرێ گشتی یێ وەبەرهێنانێ ل دهۆكێ بۆ خانی نیوز راگەهاند: کۆمبوون تایبەتبوو ب چارەسەرکرنا بابەتێ هەردوو پڕۆژه‌یێن ئاکنجیبوونێ یێن (ئارام ستی و شاهـ ستی)، كۆمبوونا وان دگەل هژماره‌كا وەبەرهێنەرێن وارێ ئاڤاکرنا پڕۆژه‌یێن ئاکنجیبوونێ ل سنوورێ پارێزگەها دهۆکێ بوو، وان دەرفەت ب وەبەرهێنەران دا تا ۱ هەیڤا ۳ یا بهێت پڕۆپۆزەلێن خوه پێشکێش بکەن.
هەر د کۆمبوونێ دا بابەتێ ئاریشەیێن هەردوو پڕۆژان بۆ وەبەرهێنەران هاتنە بەرچاڤکرن و داخواز هاتەکرن کو وەبەهێنەر دگەل حکومەتێ دا دهاریکار بن بۆ چارەسەرکرنا بابەتێ ڤان پڕۆژه‌یێن ئاکنجیبوونێ و ل سەر بنەمایێن رێژا لێخۆشبوونێ ژ وەڵاتییان و داخوازا کێمترین قەرەبووکرنێ و تمامکرنا پڕۆژان د زویترین دەم دا بكه‌ن.
رێڤەبەرێ گشتی یێ وەبەرهێنانێ ل دهۆكێ گۆت ژی: ئەو کۆمپانیێن د کۆمبوونێ دا ئامادەبووین هەموویان خزمەتەکا باش د بوارێ ئاڤەدانکرنێ دا هەیە و ئەو کۆمپانی ژی بریتی بوون ژ کۆمپانییا لالاڤ و کۆمپانییا MB و کۆمپانییا شاهان وکۆمپانییا کایار و کۆمپانییا راست، گۆتژی هنده‌ك کۆمپانیایێن دیژی هەنە کو دشێن پڕۆپۆزەلێن خوه پێشکێش بکەن و دەرفەت ب وان ژی بهێتە دان.
