سەرۆكێ هەرێما كوردستانێ و سەرۆكوەزیرێن ئەرمینیا كۆمبوون

سەرۆكێ هەرێما كوردستانێ ل ئەنتالیا دیدارەك دگەل سەرۆكوەزیرێن ئەرمینیا كر و پەیوەندییێن هەردوو لایان دگەلدا گوتوبێژكرن.

سەرۆكایەتییا هەرێما كوردستانێ ڕاگەهاند، د پەراوێزا كارێن خۆدا ل گوپیتكا سەقایی ل باژێرێ ئەنتالیا یێ توركیا، نێچیرڤان بارزانی، سەرۆكێ هەرێما كوردستانێ دگەل نیكۆل پاشینیان، سەرۆكوەزیرێن ئەرمینیا كۆمبوو.

د دیدارا واندا، پەیوەندییێن ئەرمینیا دگەل عیراقێ و هەرێما كوردستانێ، بەرفرەهكرنا وان دبیاڤێن هاریكاری و هەماهەنگییا هەڤپشك و بیاڤێن جۆدا دا هاتنە گوتوبێژكرن.

هەردوو لایان هزر و بوچوون دەربارەیی پێشهاتێن دەڤەرێ لێكگوهۆرین و دووپاتی ل گرنگییا چركرنا بزاڤان بۆ چارەسەركرنا ئاریشە و ئالۆزییان ب شێوەیەكێ ئاشتیانە و دیپلۆماسی بۆ پاراستنا ئاسایش و سەقامگێرییێ ل دەڤەرێ كر.