<h2>مەسرور بارزانی، سەرۆكێ حكومەتا هەرێما كوردستانێ، پێشانگەها حەفتێ یا تێكنۆلۆجیایا هایتێكس (HITEX) ل هەولێرێ ڤەكر و بۆ ڕۆژنامەڤانان ئاخڤت.</h2> <h2> مەسرور بارزانی داخواز ژلایەنێن سیاسی كر پەرلەمانێ كوردستانێ كارا بكەن و گوت، ئەڤە بەرپرسیارەتییەكا نیشتیمانییا ئەوان كەسایە یێن خەلكی دەنگ پێ دای، لەوما دڤێت ئەوژی هەست ب وێ بەرپرسیارییێ بكەن و وەفاداری بۆ ئەوان دەنگان هەبیت یێن پێ هاتینە دان.</h2> <h2> سەبارەت ڤەكێشانا هێزێن هەڤپەیمانان ب سەرۆكایەتییا ئەمریكا ئاشكراكر، هەبوونا ئەوان هێزان ل هەرێما كوردستانێ و عیراقێ ب شێوەیێ سیمبولی بوو، هێزێن پێشمەرگەیی و لەشكەرێ عیراقێ پتریا شەڕێن داعشێ كرییە، نوكەژی هێزێن پێشمەرگەیی و هێزێن عیراقێ د ئامادەییەكا گەلەك باشدانە بۆ ڕووبرووبوونا هەر مەترسییەكێ ل پاشەرۆژێ، پشتراست ژی كر، چ مەترسییێن ئەمنی ل سەر هەرێما كوردستانێ نینن.</h2> <h2> مەسرور بارزانی زێدەتر دیاركر، یا پێدڤییە هەماهەنگییەكا زێدەتر دناڤبەرا هێزێن ئەمنی یێن عیراقێ و هەرێما كوردستانێدا هەبیت بۆ نەهێلانا ڤالاهییێن ئەمنی ل دەڤەرێن كوردستانی یێن ژ دەرڤەیی ئیدارەیا هەرێما كوردستانێ.</h2>
