<h2>سه‌رۆك مه‌سعود بارزانی ئه‌ڤرۆ په‌یامه‌ك ل دۆر ب دووماهی هاتنا كارێ هێزێن ئه‌مریكا و هه‌ڤپه‌یمانان به‌لاڤكر.</h2> <h2> ده‌قێ په‌یاما سه‌رۆك بارزانی؛</h2> <h2> ب ناڤێ خودایێ مه‌زن و میهرەبان وەك هەموو لایەك ئاگه‌هدار، ل دووڤ ڕێککەڤتنا دناڤبەرا هێزێن هەڤپەیمان و حکومەتا عیراقا فیدڕال، ئەڤرۆ 30ێ ئەیلوولا 2026ێ دووماهی ڕۆژە بۆ ب دووماهی هاتنا كارێ هێزێن هەڤپەیمان ل عیراقێ و هەرێما کوردستانێ. هەڤپەیمان د شەڕێ دژی تیرۆرێدا و هەروەسا د ڤەگەڕاندن و بهێزکرنا ئارامییێ ل عیراقێدا پشتەڤانێن هێزێن عیراقێ و هێزێن پێشمەرگەی بوون.</h2> <h2> هێزێن هەڤپەیمان د ده‌مێ خۆدا هاریکارییەکا مەزن پێشکێشی هێزێن عبراقێ و هێزێن پێشمەرگەی کر و تەنانەت قوربانییەکا مەزن ژی دایه. نوکە ژی پشتی ب دووماهی هاتنا كارێ وان، ئەڤە د داهاتی دا بۆ حکومەتا عیراقێ و هەرێما کوردستانێ دمینیت کو ل دووڤ هەلومەرجان و ژ پێخەمەت پاراستنا سەقامگیرییێ، ڕێککەڤتنا دووقۆلی دگەل وه‌لاتێن هەڤپەیمان بکەن.</h2> <h2> ل ڤێرێ سوپاسییا بزاڤ و ماندووبوونا هێزێن هەڤپەیمان بکەین، ڕۆلێ وان د تێکشکاندنا داعشێ و ڤەگەڕاندنا سەقامگیرییێ بۆ عیراقێ جهێ پێزانین و ڕێزگرتنەکە مەزنە. هەروەسا سلاڤان بۆ گیانێ پاك یێ هەموو شەهیدێن پێشمەرگە، هێزێن عیراقی و هێزێن هەڤپەیمان ڕەتدکەین.</h2> <h2> ل دووڤ هەرێما کوردستانێ ژی ڤە، گەلەک کەس ژ ڕوویێ ڕه‌ق و لێکدانێن نەدروستڤە وه‌سا دبینن کو ب نەمانا هێزێن هەڤپەیمان ئیدی هەرێم ژی دکەتە ژێر هێرشێ و دێ خلاس بیت. ئەز خەلکێ خۆشتڤی یێ کوردستانێ پشتڕاستدكه‌م کو هەماهەنگییەکا گەلەک باش دگەل حکومەتا عیراقا فیدڕالدا هەیە بۆ نه‌هێلانا هەر جۆرە هێرش و مەترسییەکێ، بلا ئەو هێرشه ژێر ناڤێ داعشێ یان هەر ناڤەکێ دی بیت.</h2> <h2> هەر کەس و لایەنەك ژی هزرا وێ چەندێ هەبیت ببیتە هێرش و زیانێن ب سەقامگیرییا هەرێما کوردستانێ بگەهینت، بلا بزانیت کو ل کوردستانێ تێرا پێدڤی پێشمەرگە و قارەمان و گیان فیدایێن وه‌لاتی هەنە کو بەرگرییا ژ خەلك و ئاخا کوردستانێ بکەن و هەموو هێرش و دەستدرێژییان تێکبشکینن. هێزا پێشمەرگەی کوردستانێ ژی کو ڕەگێ خۆ د دیرۆكا خەباتا ڕزگاریخوازا کوردستانێدا هەیە. هێزا پێشمەرگەی کوردستانێ ب هەماهەنگییا ته‌مام دگەل هێزێن عیراقا فیدڕالدا، ئامادەن بۆ بەرگرییێ، پاراستنا سەقامگیرییا وه‌لاتی و نه‌هێلانا هەموو جۆرە هێرش و مەترسییەکێ.</h2> <h2> مه‌سعود بارزانی 30ێ ئەیلوولا 2026</h2>
