سێنتکۆم: نوکە پێشمەرگە و سوپایێ عێراقێ شیانێن رووبرووبوونا هێرشان هەنە

فەرماندەییا ناڤەندییا ئەمریکا (سێنتکۆم) ب دووماهی هاتنا ئەرکێ هێزێن خۆ د چارچووڤێ (ئۆپەراسیۆنا پێداگرییا پۆلایی) ل عێراقێ ڕاگەهاند و گۆت: “هێزێن ئەولەهییێ یێن عێراقێ، د ناڤدا پێشمەرگە و هێزێن ئەولەهیێ یێن دی یێن هەرێما کوردستانێ، نوکە شیان هەنە بۆ وێ چەندێ ب تنێ مامەلێ دگەل هێرشان بکەن.”
سێنتکۆم دبێژیت، ڤەکێشانا هێزان پشكەکە ژ پلانەکا ڤەگوهاستنێ بۆ پەیوەندییەکا بەرگرییا دووقۆلی د ناڤبەرا ئەمریکا و عێراقێ دا، د هەمان دەم دا، هێزا ئەرکێ هەڤپشک یا هەڤپەیمانان د کارێن خۆ دا بەردەوام دبيت و نوکە بارەگایێ خۆ ڤەگوهاستییە بۆ ئوردنێ، بۆ وێ چەندێ هێزێن ئەمریکا دگەل هەڤپەیمانێن خۆ و حکومەتا سووریا بەردەوامییێ ب ئەرکێ رووبرووبوونا داعشێ بدەن ل سووریا.