نێچیرڤان بارزانی بۆ بالیۆزێ نوو یێ نەمسا: هەرێما كوردستانێ یا ئامادەیە پەیوەندییێن خۆ و كارێ هەڤپشك دگەل نەمسا بهێز بێخیت

سەرۆكایەتییا هەرێما كوردستانێ ڕاگەهاند، نێچیرڤان بارزانی، سەرۆكێ هەرێما كوردستانێ پێشوازی ل ئەكسل ڤێش، بالیۆزێ نوو یێ نەمسا ل عیراقێ كر.
ل دووڤ ڕاگەهاندنا سەرۆكایەتییا هەرێمێ، نێچیرڤان بارزانی، دەستبكاربوون وەكو بالیۆز ل ئەكسل ڤێش پیرۆزكر و پشتەڤانییا خۆ بۆ سەرخستنا ئەركێن وی دووپاتكر.
هەروەسا دیاركر، سەرۆكێ هەرێما كوردستانێ سوپاسی و پێزانین بۆ دیرۆكا پەیوەندییێن دوستانە و پشتەڤانییێن بەردەوام یێن نەمسا دووپاتكر، ئامادەییا دامودەزگەهێن هەرێما كوردستانێ بۆ سەرخستنا كارێن بالیۆزێ نوو و گەشەپێدانا پەیوەندییان دووپاتكر.
ژلایێ خۆڤە ئەكسل ڤێش خۆشحالییا خۆ ب وەرگرتنا ئەركێن خۆ نیشاندا، دووپاتی ل حەزا وەلاتێ خۆ بۆ مۆكۆمكرنا پەیوەندییان دگەل عیراقێ و هەرێما كوردستانێ و بەرفرەهكرنا ئاستێ هاریكارییا هەڤپشك دهەموو بیاڤاندا كر.