وەزارەتا شەهیدان و دەزگەهێ شەهیدێن عێراقێ یاداشتا وەكهەڤكرنا موچەیی ئیمزا کر

عەبدوللا حاجی مەحموود، وەزیرێ كاروبارێن شەهید و ئەنفالکرییان ل حکومەتا هەرێما کوردستانێ و عەبدولئیلا وائیلی، سەرۆکێ دەزگەهێ شەهیدێن عێراقێ، یاداشتەک ئیمزا کر، لدووڤ وێ یاداشتێ، ژ نوکە و پێڤە موچەیێ کەسوکارێن شەهیدان ل هەرێما کوردستانێ دێ ل گەل یێ عێراقێ وەكهەڤ بیت.

وەزیرێ کاروبارێن شەهید و ئەنفالکرییان یێ حکومەتا هەرێما کوردستانێ ڕاگەهاند، ئەو لێکتێگەهشتنا ئەڤڕۆ ل گەل دەزگەهێ شەهیدێن عێراقێ هاتییە ئیمزا کرن، دێ بیتە دەستپێكەکا گرنگ بۆ پشتەڤانیکرنا ماف و شایستێن کەسوکارێن شەهیدان.

عەبدولئێلا وائیلی، سەرۆکێ دەزگەهێ شەهیدێن عێراقێ ڕاگەهاند، مەرەم ژ رێککەفتنێ کارکرنا هەڤپشک و ئاسانکارییە بۆ بڕێڤەبرنا مامەلێن کەسوکارێن شەهیدان، هەروەسا ئاشکەراکرنا گورێن ب کۆم و دروستکرنا سیستەمەکێ ئەلکترۆنی یێ هەڤپشکە، ل گەل بزاڤێن بەردەوام بۆ ناساندنا تاوانێن ئەنفالێ و کیمیابارانکرنا هەلەبجە ل سەر ئاستێ نێڤدەولەتی.