سەرۆك مەسعود بارزانی، ل پیرمام پێشوازی ل ئاكسل ڤێش بالیۆزێ نوو یێ نەمسا ل عیراقێ كر.
د پشكەكا دیدارا واند، سەرۆك بارزانی ئاماژە ب پەیوەندییێن دیرۆكی یێن دناڤبەرا هەردوو لاوەتاندا كر، سوپاسییا گەل و حكومەتا نەمسا كر كو ل ڕۆژێن بەرتەنگ یێن شۆرەشێ دا هەڤسوز و هاریكارێن گەلێ كوردستانێ بوون.
هەروەسا دووپاتی ل گرنگییا بەرفرەهكرنا پەیوەندییێن نەمسا و هەرێما كوردستانێ دبیاڤێن ئابووری و گەشتوگوزارێدا هاتە كرن.
سەرۆك بارزانی، سەبارەت ڕەوشا گشتییا دەڤەرێ و دووماهی پێشهاتان و ب دووماهی هاتنا ئەركێ هەڤپەیمانان و ئاستەنگێن بەردەم عیراقێ دووپاتكر، ئەو پێشوازییێ ل بزاڤێن سەرۆكوەزیرێن عیراقێ بۆ دەربازكرن و چارەسەركرنا ئاریشەیان و مسوگەركرنا سەقامگێرییێ ل عیراقێ دكەن.
