جڤاتا وەزیران سوبەهی دێ ل دۆر دوو تەوەرێن گرنگ كۆمبیت

جڤاتا وەزیرێن هەرێما كوردستانێ، سوبەهی دێ كۆمبوونا خۆ یا ئاسایی كەت و دوو بابەتێن گرنگ كو تەوەرێن سەرەكی یێن كۆمبوونێنە گوتوبێژكەت.
كۆمبوون دێ دوو دەمژمێران ڤەكێشیت، ل دەمژمێر 10:00 دەستپێكەت و 12:00ێ ب دووماهی هێت، ئەڤان تەوەران ب خۆڤە دگریت:
* د تەوەرێ ئێكێ دا: وەزیرێ دارایی دێ ڕاپۆرتەكێ ل دۆ پرۆسەیا ئێكخستنا هێزێن پێشمەرگەی خوینیت، پێنگاڤێن قووناغا بهێت، بزاڤێن وەكو ئێك لێكرنا مووچە و شایستەیێن دارایی دگەل دامەزراوەیێن بەرەڤانییا عیراقێ و ئێخستنا وان بۆ سەر خەرجییێن سیادی تێدا دیاركەت.
* د تەوەرێ دووێ دا: ل سەر پێشنیازا تیما هەڤپشك یا دیوانا چاڤدێرییا دارایی، پێشنیازا كاركرن ب قانوونا فیدرالییا كۆمپانییێن گشتی ژمارە 22 یا سالا 1997ێ ئەوا ل هەرێما كوردستانێ هاتییە هەمواركرن، دێ هێتە پێشكێشكرن، ئەڤ پێنگاڤە ب مەرەما ئێكخستنا قانوونێن بازرگانی و ئابوورییێن دناڤبەرا حكومەتا هەرێمێ و فیدرال دایە.