بریکارێ وەزارەتا پێشمەرگەیی پەیامەك ل دۆر یەكخستنا هێزێن پێشمەرگەیی بەلاڤكر

بریکارێ وەزارەتا پێشمەرگەیی پەیامەك ل دۆر یەكخستنا هێزێن پێشمەرگەیی بەلاڤكر
عەبدولخالق بابیری، بریکارێ وەزارەتا پێشمەرگەیی پەیامەك ل دۆر یەكخستنا هێزێن پێشمەرگەیی بەلاڤكر و ئەڤە دەقێ وێیە:
ب ناڤێ خودێ مەزن و دلۆڤان
کەسایەتی و جەماوەرێ خۆڕاگرێ کوردستانێ ،پێشمەرگە و فەرماندێن قەهرەمان و دلسۆز ،کەسوکارێن سەربلندێن شەهیدان ، سلاڤ و رێزەکا شۆڕەشگێڕانە و نیشتیمان پەروەرانە.
‎ گۆت ژی: ب شانازی ڤە رادگەهینین ئەڤرۆ رۆژەکا دیرۆكی و وەرچەرخانەکا گرنگە د دیرۆکا بزاڤا رزگاریخوازا گەلێ مە دا، ب هەلکەفتا پڕۆسەیا ئێکگرتن و ئێکخستنا هێزێن پێشمەرگەیێ کوردستانێ د چارچووڤێ لەشکەری یێ نیشتمانی و نیزامی یێ ئێگرتی دا، گەرمترین پیرۆزباهییان ئاراستەیی هەموو هێزێن پێشمەرگەیێ کوردستانێ و گەلێ مە یێ ب رومەت دکەم .
پیرۆزباهییێ ل بنەمالێن سەربلنێن شەهیدان دکەم.
هێزێن پێشمەرگەیی هەردەم پارێزڤان و چەپەر بووینە بۆ پاراستنا ئاخ و کەرامەتا کوردستانێ” ب خوین و قوربانیدانەکا مەزن ئەڤ دەسکەفتێن نەتەوەیی پاراستینە، ئەڤرۆ ژی راگەهاندنا ب دووماهی ئینانا پروسێسا ئێکگرتن و رێکخستنا هێزێن پێشمەرگەیی ل ژێر سیبەرا ئالایێ پیرۆزێ کوردستانێ و ل ژێر چەترێ وەزارەتا پێشمەرگەیی دەستکەفتەکێ دیرۆکییە و هەمی خەلکێ کوردستانێ شانازیێ پێ دبەت .
هێزەکا نشتیمانی یا سەردەمیانە یا سەربازی نیشانا پێگەهشتنا بهایێن نەتەوەیی یە و ئیرادەیەکا ب هێزە بۆ ئاڤاکرنا دامەزراوەیەکا سەربازی یا پێشکەفتی کو بشێت بەهنگاری ئالنگاری و مەترسییان ببیتەڤە.

ئەڤ دەستکەفتە بەرهەمێ خەبات و فیداکارییا سالانێن درێژە و ب دەستپێشخەریا جەنابێ سەرۆک مەسعود بارزانی و پشتەڤانییا سەرۆکایەتیا هەرێما کوردستانێ (نێچیرڤان بارزانی )، سەرۆکایەتیا حکومەتا هەرێما کوردستانێ (مەسرور بارزانی ) پشتەڤانییا هێزێن هەڤپەیمانان و رۆلێ وەزیرێ پێشمەرگەیی (شۆرەش ئیسماعیل ) و سوپاسالارێ وەزارەتا پێشمەرگەیی فەریق روکن (عیسا عوزێر ) بلند د نرخینین بۆ ڤێ پروسێسێ بۆ گەهشتن ب ڤێ قووناغا گرنگ .
لەورا پابەندبوونا مە و بەردەوامییا مە د چاکسازی و ب هێزکرنا ژێرخانا لەشکەری یا هێزێن پێشمەرگەی ب ئەرکەکێ پیرۆز و نیشتمانی لێ دنێرین .
سەربەرزی و شانازی بۆ پێشمەرگەهێن قەهرەمان
سلاڤ بۆ گیانێ پاکێ شەهیدێن کوردستانێ
کوردستانەکا ئارام و ب هێز بۆ مە هەموویان.