سەرۆكێ حكومەتێ بۆ قوتابییان: ڕێزێ ل ئێك و دوو بگرن و ڕێزێ ل جۆداهییێن وەلاتی بگرن كو بێگومان ئەڤ جۆداهییێن مە هەین، وەلاتێ مە جوانتر كریە.
مەسرور بارزانی، سەرۆكێ حكومەتا هەرێما كوردستانێ، زەنگا دەستپێكرنا سالا نوو یا خواندنێ 2026 – 2027 ل قوتابخانەیا ( گلۆبال ) یا هەولێرێ لێدا.
سەرۆكێ حكومەتێ، دگوتارەكێدا دەستپێكرنا سالا نوو یا خواندنێ ل قوتابی و مامۆستایان پیرۆزكر، هیڤی خواستن سالەكا پری سەركەڤتن و خۆشی بیت بۆ قوتابی و مامۆستایان، سوپاسییا مامۆستایێن كوردستانێ كر كو نەهێلا د چ قووناغاندا پرۆسەیا خواندنێ ل كوردستانێ ب كەڤیت.
پاشان ب ئامادەبوونا سەرۆكێ حكومەتێ، د ڕێورەسمەكێ تایبەت دا، تمامبوونا 36 ئاهاڤییێن نوو یێن باخچەیێن زارۆكان و قوتابخانەیێن حكومی یێن سەر ب وەزارەتا پەروەردەیا حكومەتا هەرێما كوردستانێ هاتە ڕاگەهاندن.
