دەرگەهێن قوتابخانان ڤەبوون و پەیامەک بۆ دایک و بابان

دەرگەهێن قوتابخانان ڤەبوون و پەیامەک بۆ دایک و بابان

فەوزی بەهجەت عەبدوللا
بەری هاتنا دەواما قوتابخانان و قوتابی قەستا پۆلێن خواندنێ بكه‌ن، ل سەر دایک و بابان پێدڤییە دەمەکێ تەرخان بکەن و دگەل زارۆکێن خۆ رویننە خوار و چەند بابەتێن سەرەکی و فێرکاریێن گرنگ بۆ زارۆکێن خۆ روون بکەن، داکو کەیفخۆش بن د ناڤ پۆلێ دا و که‌سایەتیەکا بهێز هەبیت و خۆدان ئاقلەکێ بەرفرەهـ بیت و رێزگرتنێ بگەهینیتە دەوروبەرێن خۆ.

پەروەردە ل مال دەست پێ دکەت، داکو زارۆکێ تە د چاڤێن مامۆستا و قوتابیان دا مەزن دیار ببیت و ب زیرەکی بهێتە نیاسین، ڤان ڕێنمایان ب ڕەنگەکێ سادە فێر بکه:

·مامۆستا کەسەکێ خودان ڕێز و خودان زانینە؛ زارۆکێن خۆ فێربکەن کو رێزێ لێ بگرن، ئاخفتنا وی نەبرن، چ پەیڤێن نەخۆش و كرێت بەرامبەر ب کار نەئینن.

· قوتابخانە مالا وى یا دووێیە؛ نابیت کەلوپەلێن قوتابخانێ بهێنە شکاندن یان خرابکرن، بەلکو ب جوانی و بەرپرسیارانە بپارێزن.

·هەمی مرۆڤ چێکڕیێن خودێ نە. فێربکەن کو نابیت یاری یان ترانە ب کورت، درێژ، جوان، کرێت، کێم ئەندام، هەژار یان دەولەمەند بهێنە کرن، چ شەرم تێدا نینە ئەگەر قوتابیەک سالێ هەمییێ ب جوتەکێ پێلاڤان یان ب چانتەکا سادە يان ب جلكه‌كێ ساده‌ بیت؛ یاریپێکرن دێ بیتە ئەگەرێ ئازاردان و دلتەنگیا وان.

· قوتابخانە جهێ خواندن و پەروەردێ یە، نە جهێ شەڕ و تۆلڤەکرنێ يه‌ ، بلا زارۆکێن هه‌وە سەرەدەریەکا جوان دگەل هەڤالێن خۆ بکەن، بنە جهێ باوەریا ئێکدو، ئەگەر هەڤالەکێ وان خەمبار بوو یان تووشی ئاریشەیەکێ بوو، ببەنە هاریکار و چارەسەری بۆ وان.

·پشتی ب دووماهی هاتنا دەواما قوتابخانێ ، ئێکسەر قەستا مالێ بکەن و خۆ ب دەوروبەران و کۆلانان ڤە مژویل نەکەن.

ب ڤێ ڕێکێ و ب ڤان فێرکاریێن زێڕین، دێ زارۆکێن هه‌وە ب که‌سایەتیەکا بهێز و تێگەهشتی مەزن بن، ل داهاتی دا دێ بنە جۆڕەکێ شانازیێ بۆ هه‌وە و تەڤایا جڤاکی.