<h1 style="text-align: center;">زمانێ کوردی بۆ سیستەمێ ئامیرێن زیرەک دێ هێتە زێدەكرن</h1> <h1 style="text-align: center;">سازییا یونیکۆد بڕیار دا کو د وەشانەکا نوو دا، زمانێ کوردی بێخیتە بەردەست کۆمپانیێن تەکنۆلۆژی یێن جیهانێ، داکو بشێن ل سەر سیستەمێن ئامیرێن زیرەک بکار بینن. بۆکان جاف، دروستکەرێ کۆمەلگەها "گووگل کراودسۆرس بۆ عێراقێ و هەرێما کوردستانێ"، ڕاگەهاند، بڕیارە ل 21ـێ چریا ئێكێ ئەڤ وەشانا نوو یا یونیکۆدی ب فەرمی بهێتە بەلاڤکرن. گۆت ژی: سازییا یونیکۆد ب فەرمی زمانێ کوردییا ناڤەندی دئێخیتە بەردەستێ کۆمپانیێن تەکنۆلۆژی، داکو ل سەر سیستەمێن ئامیرێن خۆ جهگیر بکەن و هەروەسا ژ ئەڤرۆ وێڤە زمانێ کوردی دێ بۆ مۆبایلێن زیرەک، تەلەڤزیۆنێن زیرەک و ئامیرێن وەکی ئەندرۆید هێتە زێدەکرن. بڕیارە ل دەستپێكێ د مۆبایلێن زیرەک دا پشكێن زمانێ، ڕۆژ ژمێر و دەم ببنە کوردی، و پاشی داتایێن دی ژی بهێنە وەرگێڕان. هەر کۆمپانیەكا وەشانا نوو یا یونیکۆدی بکار بینیت، زمانێ کوردی دێ چیتە ناڤ لیستەیان و دێ هێتە هەلبژارتن.</h1>
