ب ناڤێ خودایێ بەخشندە و میهرەبان
ب ناڤێ خۆ و هەمی ئەندامێن خێزانا بارزانی، گەلەک سوپاسیا وەلاتییێن خۆشتڤی، لایەنێن سیاسی، بەرپرسێن حزبی و حکومی یێن عێراقێ و هەرێما کوردستانێ، کونسول و نوونەرێن وەڵاتان، كەساتییێن ئایینی، نوێنەرێن پێکهاتەیێن نەتەوەیی و ئایینی، سەرۆک هۆز و کەسایەتییێن جڤاکی، ڕەوشەنبیری و ئەکادیمی یێن عێراقێ و هەرێما کوردستانێ، هێزێن هەڤپەیمانان، فەرماندە و هێزێن قارەمانێن پێشمەرگەیی، ئاسایش و پۆلیس، ڕێکخراوێن جڤاکێ مەدەنی، ڕاگەهاندن، هەمی تەخ و چینێن هەرێما کوردستانێ و عێراقێ و هەموو کوردستانی یێن عەزیز ل هەر چار پارچەیێن کوردستانێ دکەم، یێن کو ئەرک کێشایی و ئامادەیی بەهییا خودێ ژێ ڕازی (عەبدولواحد ئیبراهیم شێخ عەبدولسەلام بارزانی) بوون، هەڤسۆز و هەڤخەمێن مە بوون.
هەروەسا سوپاسیا هەمی بەرپرسێن حکومی، لایەنێن سیاسی، ئەندامێن پەرلەمانێ عێراقێ، کەسایەتی و سەرۆک هۆزێن عێراق و سووریێ، هەروەسا بەرپرس، کەسایەتی و نوونەرێن وەڵاتێن عەرەبی و کەنداڤی، کەسایەتی و لایەنێن سیاسی یێن پارچەیێن دی یێن کوردستانێ و ڕەڤەندا کورستانی ل دەرڤەیی وەڵاتی دکەم، یێن کو ب رێکا بروسکە، پەیامێن هەڤخەمییێ و پەیوەندییێن تەلەفۆنی زەحمەتی کێشایی و د بەهی و خەما مە دا پشكدار بوون.
سوپاسیەكا تایبەت ئاراستەیی وەڵاتییێن خۆشتڤی یێن باژارۆکێ پیرمام دکەم، کو د ڕۆژێن بەهیێ دا، دگەل هەبوونا زەحمەتی و قەرەبالغیێ، مێهڤاندارییا خەلکی کر” هەروەسا دەستخۆشییێ ل ئەرک و ماندووبوونا هێزێن ئاسایش و پۆلیسان دکەم، کو بەرپرسیارەتییا رێکخستنا هاتنوچوونێ و پاراستنا وەڵاتییان ل سەر ملێ وان بوو.
هەڤسۆزی و هەڤپشکا بەردەوامییا خەلکێ عەزیزێ کوردستانێ د خەم و بەهیا مە دا، هەردەم جهێ ڕێز و پێزانینا مە یە” هیڤیدارم هەموو لایەک ژ ئێش و نەخۆشییان دوور بن، خودایێ مەزن خێرێ بدەتە هەموو لایەکی.
