<h2>شاندەكێ هەرێما كوردستانێ ل بەغدایە، سوبەهی دێ كۆمبوونەكا ئێكلاكەر ل دۆر بابەتێن دارایی یین گرێدایی هەرێما كوردستانێ، دگەل فالح ساری وەزیرێ دارایی یێ عیراقێ كەت.</h2> <h2> شاندێ هەرێمێ ژ ئاوات شێخ جەناب وەزیرێ دارایی و ئابووری، ئومێد سەباح سەرۆكێ دیوانا جڤاتا وەزیران، د. ئامانج ڕەحیم سكرتێرێ جڤاتا وەزیران و د. عەبدولحەكیم سەرۆكێ هەماهەنگی و دووڤچوونێ پێكهاتییە.</h2> <h2> سوبەهی شاندێ هەرێمێ دێ كۆمبوونەكا ئێكلاكەر دگەل وەزیرێ دارایی یێ عیراقێ كەت، ل دووڤ پێشبینییان دانوستاندنێن ئەڤ جارە ب ساناهی نابن، ژبەركو د بودجەیا سێ سالیدا ژ 2023ێ هەتا 2025ێ، هەرێمێ مووچە بەلاڤدكر و بەغدا ب تنێ تمامەتییا پارەیی دهنارت، لێ نوكە مووچە هەموو ژلایێ بەغداڤە دهێتە هنارتن، ژمارە و داتا هاتینە گوهۆرین و نەوەكو یێن دەمێن بوورینە، لەوما دهێتە پێشبینیكرن دانوستاندن ب زەحمەت بن.</h2> <h2> هەروەسا ل ڕۆژا پێنجشەمبی، دەمژمێر 1:00ی نیڤرۆ كۆمبوونەكا بەرفرەهـ دگەل وێ لژنەیا بوجەیا سالا2027ێ ئامادەكری، دێ هێتەكرن، نوونەرێ هەرێما كوردستانێ دێ دڤێ كۆمبوونێدا پشكدار بیت.</h2> <h2> هەرێما كوردستانێ دڤێ سەرەدانێدا دڤێت بزانیت، نیازێن بەغدا چنە، پێنگاڤێن وێ بەرامبەر دابینكرنا مافێن هەرێمێ دێ دچەوا بن.</h2>
