هەرێما كوردستانێ داخوازا 29 تریلیۆن دیناران دبوجەیا 2027ێ دا كریە

هەرێما كوردستانێ دنڤیسارەكێدا، داخوازی و پێشنیازێن خۆ بۆ بودجەیا سالا 2027ێ، ئاراستەیی وەزارەتا داراییا عیراقێ كرینە، پێشتر داراییا عیراقێ، هەرێما كوردستانێ ئاگەهداركربوو كو ل دووڤ پێدڤییێن خۆ، داخوازییان پێشكێش بكەت، ئەو داخوازییێن هەرێما كوردستانێ پێشكێشی وەزارەتا داراییا عیراقێ كرین، نە ل سەر بنەمایێ ڕێژەیا 12.67%ێ یان 14%ێ یا پشكا هەرێمێ یە، بەلكو ل دووڤ پێدڤییێن هەرێمێ نە.

هەرێما كوردستانێ ل دووڤ پێدڤییێن خۆ ب گشتی داخوازا 29 تریلیۆن دیناران د بودجەیا سالا 2027ێدا كریە، بۆ جارا ئێكێ یە ڤی كوژمێ هندێ مەزن ژ عیراقێ داخواز دكەت و بۆ ئەڤان بیاڤانە:

* 23 تریلیۆن و 500 ملیار دینار بۆ مووچەیێ فەرمانبەران و پلە بلندكرن و مافێ خانەنشینان.
* پێنج تریلیۆن و 500 ملیار دینار بۆ پرۆژەیێن وەبەرهێنانێ.

ب ڤێ چەندێ، دڤێت عیراق هەیڤانە دوو تریلیۆن و 500 ملیار دیناران بۆ هەرێما كوردستانێ ب هنێریت.

هەرێمێ ئەڤ كوژمە داخواز كریە داكو:

* زێدەتر ژ 60 هزار فەرمانبەرێن ب هەڤبەست بكەتە هەردەمی و ب دا مەزرینیت، كو 30 هزار ژ وان هەڤبەستان مووچەیی ژ هەرێما كوردستانێ وەردگرن و 30 هزار ژی ژ عیراقێ، هەرێمێ دڤێت هەموویان ب دامەزرینیت.

* سێ ئێكەمێن زانكۆیا و پەیمانگەهان و پشكێن نۆشداری یێن پشتی سالا 2007ێ بهێنە دامەزراندن، هەموو دەرچوویێن پشكێن نۆشداری و دەرمانسازییێ بهێنە دامەزراندن، كو ژمارا وان ژ 16 هزار كەسان زێدەترە.

* پلە بلندكرنا فەرمانبەران دەستپێكەت، كو ژ سالا 2016ێ وەرە هاتییە ڕاوەستاندن.
ژبەر ئەڤان ئەگەران، هەرێما كوردستانێ داخوازا 29 تریلیۆن دیناران دبودجەیا سالا 2027ێدا كریە.