مەزنترین پێشانگەها نێڤدەولەتییا خانووبەران ل هەولێرێ دێ هێتە ڤەکرن

سوبەهی سێشەمبی، 08 ی ئیلۆنا 2026، مەزنترین پێشانگەها نێڤدەولەتییا خانووبەران ب پشکداریا سەدان کۆمپانیێن خۆمالی و بیانی ل باژێرێ هەولێرێ دێ هێتە ڤەکرن.
د. محەمەد شوکری، سەرۆکێ دەستەیا وەبەرهێنانێ ل كوردستانێ دیار كر، پتر ژ 250 کۆمپانیا ژ 16 وەلاتێن جیهانی دێ پشکداریێ د وێ پێشانگەهێ دا کەن؛ د ناڤدا كۆمپانییێن تورکی، ئیرانی، ئیمارات، سعوودی، ئەلمانی، چینی، ئیتالی، یۆنانی، ئیسپانیا و چەندین وەڵاتێن دی هەنە و ئەو پێشانگەهە دێ بۆ ماوێ سێ ڕۆژان یا بەردەوام بیت.
ناڤهاتی گۆت ژی، ئارمانجا وێ پێشانگەهێ نیشاندانا پڕۆژێن ئاكنجیبوونێ نە و وەلاتی دشێن ڕاستەوخۆ ل گەل کۆمپانیان کۆم ببن و یەکەیێن ئاكنجیبوونێ ب شێوازێ قووناغان یان ب پارێ کاش هەلبژێرن، هەروەسا ئەڤ پێشانگەهە ژینگەکێ بۆ بازرگان و وەبەرهێنەران پەیدا دكەت داكو گرێبەستێن هەڤپشک گرێدەن و سەرمایا بیانی ڕابکێشنە كوردستانێ.
سەرۆکێ دەستەیا وەبەرهێنانێ ئەوە ئاشکەرا کر ژی: د سالێن بۆری دا پترین دەرفەتێن کاری بۆ گەنج و شارەزایان د پێشانگەهێ دا هاتییە ڕاگەهاندن” وەلاتی دشێن د دەمێ سەرەدانێ دا بۆ پێشانگەهێ” كورتیا ژیانناما خۆ پێشکێشی کۆمپانیان بکەن ژ بۆ بدەستڤەئینانا دەرفەتێن کاری.
پێشانگەها نێڤدەولەتییا خانووبەران ل هەولێرێ ئێكە ژ روودانێن ئابووری یێن گرنگ ل هەرێما کوردستانێ و سالانە ل پێشانگەها نێڤدەولەتییا هەولێرێ بڕێڤە دچیت.