<h1 style="text-align: center;">دەست ب هنارتنا گەنمی دێ هێتە كرن</h1> <h1 style="text-align: center;">سەرۆکێ دەستەیا وەبەرهێنانێ ڕاگەهاند، ڕێکارێن هنارتنا گەنمێ جووتیارێن هەرێما کوردستانێ تەمام بوون و د ڤێ حەفتییێ دا پرۆسە دێ دەست پێ کەت. ئەڤرۆ شەمبی، 05ێ ئیلونا2026، د. محەمەد شوکری، سەرۆکێ دەستەیا وەبەرهێنانێ ڕاگەهاند، ئەو کۆمپانیێن ئەرکێ هنارتنا گەنمێ جووتیارێن هەرێما کوردستانێ بۆ دەرڤەیی وەلاتی ل سەر ملێن وان، ڕێکار ب دووماهی ئیناینە و بڕیارە د ڤێ حەفتییێ دا دەست ب پرۆسەیا هنارتنا گەنمی بهێتە كرن. هەروەسا گۆت، بڕێ وی گەنمێ دهێتە هنارتن 245 هەزار تەنن، هەروەسا بڕێ 200 هەزار تەنێن گەنمی ل دەڤ هەردوو کۆمپانیێن خۆشناو و قەیوان دێ مینیت دا کو بۆ پێدڤیێن ناڤخۆ بکار بهێت. د وەرزێ درینێدا سالا 2026ێ، ژ ئەگەرێ زۆرییا بەرهەمێ گەنمێ جووتیارێن هەرێما کوردستانێ و حکومەتا فیدرال پشكەكا كێم ژ وی بەرهەمی وەرگرت، بڕەکێ زۆر ژ گەنمێ جووتیاران ژ دەرڤەیی سایلۆیان دا ما. بۆ چاره‌سه‌ركرنا ڤێ ئاریشه‌یێ و ڕێگریکرن ژ زیانگەهشتنا جووتیاران، ب بڕیارا مەسرور بارزانی سەرۆکوەزیرێن هەرێما کوردستانێ، چەند کۆمپانیێن ناڤخۆ وەک (خۆشناو و قەیوان) هاتنە ڕاسپاردن بۆ کڕینا وی گەنمێ مای. کۆمپانیایان هەر تەنەكا گەنمی ب بهایێ 400 هەزار دیناران ژ جووتیاران کڕی، حکومەتا هەرێما کوردستانێ هەماهەنگی کر دا کو پشكەك ژ وی گەنمی بۆ دابینکرنا ئاسایشا خوارنێ ل ناڤخۆ بمینیت و پشكا دی ژی بۆ دەرڤەیی وەلاتی بهێتە هنارتن.</h1>
