ئاڤەدانکرنا عێراقێ: چار هزار تاخێن زێدەگاڤی هەنە و سێ ملیۆن کەس تێدا دژین
پەیڤدارێ وەزارەتا ئاڤەدانکرن و ئاکنجیبوونێ ل عێراقێ دیاركر: قەیرانا ئاکنجیبوونێ بوویە ئەگەر كو پتر ژ سێ ملیۆن کەس ل دەڤەرێن زێدەگاڤی دا بژین” هەروەسا ئاشکرا کر کەسێن خودان شییان بازرگانیێ ب ئەردێن زێدەگاڤییێ دکەن.
ئەڤرۆ سێشەمبی، 1ێ ئیلۆنا 2026ێ، نەبیل سەفار، پەیڤدارێ وەزارەتا ئاڤەدانکرن و ئاکنجیبوونێ ل عێراقێ ڕاگەهاند، دۆسەیا دەڤەرێن زێدەگاڤی یا ئالۆزە و هۆکارێ سەرەکی ڤەدگەڕیت بۆ بلندبوونا بهایێ خانیان، ئەڤ چەندە ژی هۆکار بوویە کو پشكەک ژ وەلاتییان پەنایێ ببەنە بەر زێدەگاڤییێ لسەر ئەردێ دەولەتێ یێن کو د بنەڕەت دا بۆ ئاکنجیبوونێ نەهاتینە تەرخانکرن.
