هەڤسەرۆكێ دەم پارتی ئیدانا هێرشا درۆنی یا سەر هەرێمێ کر
دەم پارتى ل تۆڕا جڤاكى يا ئێکس ڕاگەهاند: باکرهان د پەیوەندییەکا تەلەفۆنیدا دگەل مەسرور بارزانی دا، ئیدانا هێرشا درۆنى کر.
ئەڤرۆ دووشەمبی، 17ێ ئابا 2026ێ، هەژمارا فەرمی یا دەم پارتى ل تۆڕا جڤاكى يا ئێکس بەلاڤ کر، تونجەر باکرهان، هەڤسەرۆکێ دەم پارتى د پەیوەندییەکا تەلەفۆنیدا دگەل مەسرور بارزانی، سەرۆکێ حکومەتا هەرێما کوردستانێ، ب توندی ئیدانا هێرشا درۆنى يا بۆ سەر نڤێسينگەها سەرۆکێ حکومەتێ کر.
باکرهان هیڤی خواست روودانێن ب ڤی ڕەنگی بۆ حکومەت و گەلێ کوردستانێ دووبارە نەبنەڤە و دووپات کر، ئەو هەموو دەمان دێ دگەل حکومەت و خەلکێ هەرێما کوردستانێ دا بن.
هاوسەرۆکێ دەما پارتى ئەڤە ژی ڕاگەهاند “ئەڤ جۆرە هێرشە مەترسیدارن و هەردەم شەر و توندوتیژیێ د دەڤەرێ دا ب زێندى د هێلن.” د هەمان دەمدا داخواز ژ بەغدا کر کو ب لەز ڕوونکرنەكێ بدەت و ڕاستییێن پەیوەندیدار ب روودانێ ڤە ئاشکرا بکەت.
