بەرپرسەكێ هەسەدێ: ئێدی چ قەوارە ب ناڤێ رێڤەبەرییا خۆسەر ل رۆژئاڤا نامینیت

بەرپرسەكێ هەسەدێ: ئێدی چ قەوارە ب ناڤێ رێڤەبەرییا خۆسەر ل رۆژئاڤا نامینیت

بەرپرسەکێ هەسەدێ ڕاگەهاند، د چەند ڕۆژێن داهاتی دا هەلوەشاندنا هەسەدە و یەپەگە دێ هاتە ڕاگەهاندن، هەروەسا پشکەکا مەزن ژ کێشەیان ل گەل دیمشقێ هاتینە چارەسەرکرن.

مەحموود بەرخودان، بەرپرس ل هێزێن سووریا دیموکرات (هەسەدە) ل کۆبانێ، د داخۆیانیەکێ دا بۆ رۆژنامەیا “تورکیا” ڕاگەهاند، د چەند ڕۆژێن بهێت دا هەلوەشاندنا هەرئێک ژ یەکینەیێن پاراستنا گەل (یەپەگە) و هەسەدە دێ ڕاگەهینن و ئێدی چ قەوارە ب ناڤێ رێڤەبەرییا خۆسەر نامینیت.
وێ بەرپرسێ هەسەدێ ئاشکرا کر، دانوستاندن ل گەل حکومەتا دیمشقێ بۆ تێکەلبوونا سەربازی گەهشتییە قووناغا دووماهییێ و 99% ژ کێشەیان هاتینە چارەسەرکرن.
لدووڤ گۆتنێن مەحموود بەرخودان، هەتا نوکە نێزیکی 10 بۆ 12 هزار شەڕڤان تێکەلی سوپایێ سووریا بووینە و پرۆسا ڕادەستکرنا دەزگەهێن گشتی و بیرێن نەفتێ بۆ دیمشقێ د قووناغا دووماهییێ دایە.