ده‌قێ پەیاما سەرۆکێ حکومەتا هەرێما کوردستانێ؛
گەلەك خەمبار و دلگرانم ب بهیستنا نووچەیێ هێرشا درۆنی بۆ سەر مالا پێشمەرگەیەکێ ل سنوورێ هەولێرێ، کو بوویە ئەگەرێ شەهیدبوونا وی و هەڤژینا وی.
ب هەموو ڕەنگان ئەڤێ تاوانا کرێت و تاوانباران شەرمەزار دکەم. ئارمانجگرتنا خەلکێ سڤیل و مالێن وەلاتییان، تاوانەکا شه‌ڕی یە. ئەم دەنگێ خەلکێ بێ گونه‌هـ یێ کوردستانێ دگەهینینە هەموو جیهانێ داکو سنوورەك بۆ وێ سته‌مكارییا ل هەمبەر وان دهێتە کرن بهێتە دانان، ئێدی ب هێجه‌تێن بێ بنەما، هێرش نەکەنە سەر خەلکێ کوردستانێ.
