ڤەکۆلینەکا نوو ل سەر ڤەیپێ هاتییە ئەنجامدان و دیاردکەت کو ب ئەگەرەکێ زۆر دبیتە ئەگەرێ تووشبوون ب پەنجەشێرا سیهان.
ئەڤ ڤەکۆلینە ل زانکۆیا (نیو ساوس وێلز) ل ئوسترالیا ل سەر کارتێکرنا ڤەیپێ هاتییە کرن، ڤەکۆلەران ئاشکرا کر، کو ئەو هەلما ژ ڤەیپێ دەردکەڤیت، ماددەیێن کیمیایی تێدانە کو ب شێوەکێ راستەوخۆ زیانێ دگەهیننە خانەیێن ناڤپۆشێن کۆئەندامێ هەناسەدانێ و ئەڤ چەندە ژی دبیتە ئەگەرێ پەیدابوونا پەنجەشێرێ.
هەروەسا ڤەکۆلەر دبێژن: ب تنێ ئەگەر ڤەیپ بێ نیکۆتین ژی بیت هەر زیانێن خۆ یێن هەین، لێ ئەگەر نیکۆتین تێدا بیت، زیانێن وێ دبنە دەهـ جاران زێدەتر، ب تایبەتی بۆ پەنجەشێرا دەڤی، گەورییێ، دفنێ و سیهان.”
پڕۆفیسۆر د. بێرنارد ستیوارت، سەرپەرشتێ ڤێ ڤەکۆلینێ دبێژیت: چ جاران ڤەیپ نەیا بێ زیانە و نە جهگرەکێ ب دەستکەفت یێ جگارەیێن ئاسایی یە، پەیڤا (سلامەتتر) بۆ ڤەیپێ ب تنێ هزرەکا خەلەتە.