شەڤا بووری، جارەکا دی تاقمێن تیرۆریست یێن ژ یاسایێ دەركەفتی دەست ب کریارەکا تێکدەرانە ب ڕێکا درۆنەکا بۆمبرێژکری هێرش کرە سەر بارەگایەکێ هێزێن پێشمەرگەی ل سنوورێ چەمچەماڵ. ئەم ب توندی ڤێ هێرشێ شەرمزار دکەین، ئارمانج ژ هیرشێ تێکدانا ئاسایش و ئارامییا دەڤەرێ یە.
دووبارەبوونا ڤان هێرشێن تیرۆریستی بۆ لسەر بارەگایێن پێشمەرگەی د دەمەکێ دا یە، ڕەوشا دەڤەرێ ب گشتی د قۆناغەکا هەستیار و ئاڵۆزدا دەرباز دبیت.
جارەکا دی داخوازێ ژ فەرماندەیێ گشتی یێ هێزێن چەکدارێن عێراقێ دکەین، سنوورەکێ بۆ ڤان دەستدرێژیێن بێ ئەگەر بدانیت، یێن دبنە ئەگەرێ هێرشكرنێن لسەر بارەگایێن پێشمەرگەی.
وەزارەتا پێشمەرگەی 22ی ئادارا 2026
