زڤرینا مالکی بۆ سەرۆکاتیا وەزیران لایەنێن شیعی ب سەر سێ بەرەیان دا دابەشكرینە

هێشتا لایەنێن د ناڤ “چوارچوڤێ هەماهەنگیێ” دا ل سەر بەربژارەکێ ئێکگرتی بۆ پۆستێ سەرۆکوەزیرێن داهاتی یێ عێراقێ رێكنەکەفتینە” د دەمەکێ دا کو بەحسێ زڤڕینا نوری مالکی دهێتە کرن، بەلێ هێشتا هندەک هێزێن شیعی رازیبوونا خۆ دیار نەکرییە.

لایەنگرێن مالکی” حزبا دەعوە و ڕێکخراوا بەدر (ب سەرۆکاتیا هادی عامری) دبێژن کو بەربژارکرنا نوری مالکی ئێکلا بوویە و هەموو لایەن ل سەر د رازینە.

نەیارێن مالکی” رەوتا حیکمە (ب سەرۆکاتیا عەممار حەکیم) ڤێ چەندێ رەت دکەت و دبێژیت چو رێککەفتن نینن” هەروەسا قەیس خەزعەلی ژی د بەرەیەکی دی دایە و مەرج نینە پشتەڤانیا مالکی بکەت.

بەربژارێن دی: ژبەر نەبوونا کۆدەنگییێ، ناڤێ چەند کەسایەتیێن دی دهێنە دیاركرن” مینا محەمەد شیاع سوودانی، سالح حەسناوی و تارق نەجم.

بەربەستا سەرەکی” شرۆڤەکار ئاماژێ ب وێ چەندێ دکەن” کو موقتەدا سەدر و مەرجەعیەت ب چو رەنگان ب زڤرینا مالکی د رازی نابن، لەوما پێشبینی دهێتە کرن ل دووماهییێ پەنا بۆ “بەربژارەکێ سازانێ” بهێتە برن.