<h2>راهێنەرێ یانەیا دهۆكێ مژویلی هندەك گوهۆرینایە د پێكهاتییێ تیمێدا، كو دگەل كارگێرییا یانەیێ كۆمبوویە، پلانەك بۆ قووناغا بهێت یا هەڤركییێن وەرزی و مێركاتویا زڤستانێ دانایە. ژێدەرەكێ تایبەت بۆ ئاژانسا خانی دیاركر، ڕاهێنەرێ یانەیا دهۆك عەبدولغەنی شەهەدی لیستەكا ناڤێن یاریكەرێن یانەیێ دایە كارگێرییێ و داخواز ژێ كریە كو ئەو یاریكەرە دناڤ پێكهاتییێ تیمێدا نەمینن. هەروەسا ئاشكراكر، شەهەدی داخوازا گرێدانا چار هەڤبەستێن نوو كریە، كو یاریكەرەكێ هێلا ناڤین ل بەر سینگێ بەرەڤانان ( ارتیكاز ) یارییێ بكەت، هێرشبەرەكێ نیڤێ، دگەل بەرەڤانەكێ نیڤێ و یاریكەرەكێ لایێن هێرشبەرییێ دڤێن. سەبارەت ئەحمەد یاسینی ئەوێ نوكە ل خۆلا سویدێ یارییێ دكەت ئاشكراكر، بریكارێ كاروبارێن ئەحمەدی ئەو پێشكێشی یانەیێ كربوو، هەتا نوكە چ بریار ل سەر نەهاتینە دان، كارگێری دێ دگەل ڕاهێنەری خواندنەكا درێژ بۆ ڕەوشا تیمێ و مێركاتۆیا زڤستانێ كەت، دووڤدا برباران دەت.</h2>
