<h2>وەزیرێ دەرڤە یێ ئیرانێ هێرشا ئەمریکا بۆ سەر دامەزراوەیێن ئەتۆمییێن وەلاتێ خۆ شەرمزاركرن و ڕاگەهاند، ئەمریکا وەكو ئەندامەکا هەردەمی ل جڤاتا ئاسایشا نەتەوێن ئێكگرتی ب هێرشکرنا سەر دامەزراوەیێن ئەتۆمییێن ئاشتیخوازێن ئیرانێ، پێشێلکارییەکا مەترسیدار یا پەیماننامەیا نەتەوێن ئێكگرتی، قانوونا نێڤدەولەتی و پەیماننامەیا بەلاڤنەكرنا چەکێ ئەتۆمی كریە، ئەڤە ڕەفتارەكا ئێكجار مەترسیدار و تاوانكاریە. ڕوودانێن ڤێ سپێدێ جهێ تووڕەیی و شەرمەزارییەکا مەزنن و دێ دەرئەنجامێن هەردەمی هەبن، پێدڤییە هەر ئێك و هەموو ئەندامێن نەتەوێن ئێكگرتی هەست ب مەترسییا ڤێ ڕەفتارێ بکەن. ل دووڤ پەیماننامەیا نەتەوێن ئێكگرتی و ئەو بڕگەیێن کو ڕێ ب بەرسڤدانا ڕەوا ژ چارچووڤێ بەرگری ژ خۆکرنێ د دەن، ئیران دێ مافێ هەموو بژاردەیان بۆ خۆ پارێزیت بۆ بەرگریکرنێ ژ سەروەری، بەرژەوەندی و گەلێ خۆ</h2>
