ل 25ی ڤێ هەیڤێ، دێ دەست ب وەرگرتنا ناڤێن بەربژاران هێتە كرن

خالد عەباس، بەرپرسێ ئۆفیسا دهۆك یا كۆمیسیۆنا هەلبژارتنێن عیراقێ بۆ ئاژانسا خانی ڕاگەهاند، ل 25ی ڤێ هەیڤێ دێ دەست ب وەرگرتنا ناڤێن بەربژارێن سەربەخۆ، بەربژارێن سەر ب لیستانڤە، كوتا، لیستان و هەڤپەیمانییان بۆ هەلبژارتنێن بهێن یێن پەرلەمانێ عیراقێ هێتەكرن، هەتا 24 هەیڤا شەش یا بەردەوامبیت.

سەبارەت مەرجێن تۆماركرنێ ئاشكراكر، دڤێت عیراقی بیت، ژییێ وی ژ 30 سالییێ كێمتر نەبیت، ژلایێ دەستپاكی و قانوونێڤە چ ئاریشە ل سەر نەبن، كێمترین باوەرنامە بۆ كاندیدێ تاكە كەسی بەكالۆریۆسە و بۆ حزبێن سیاسی 20%ێ دبلۆم و ئامادەییە.