عەزیز ئەحمەد، جێگرێ ڕێڤەبەرێ نڤیسینگەها سەرۆکوەزیرێن هەرێما کوردستانێ د داخۆیانییەكا میدیایی دا ڕاگەهاند، ل حەفتییا بهێت دوو بانکێن مەزن یێن نێڤدەولەتی دێ هێنە ناڤا پڕۆژێ هژمارا من دا، پێش چەندەكێ وان دەنگوباسێ قەدەغەكرنا مامەلەیا دۆلاری ل چەند بانكێن دییێن عیراقێ بهیست، ئەڤەژی وێ دگەهینیت كو ئەوێن هژمار ل وان بانكان هەین نەشێن كارتێن خۆ ل وەلاتێن دی بكاربینن.
جهێ ئاماژێ یە، هەتا نوكە هەشت بانك د پڕۆژێ هژمارا من دا د پشكدارن و ئێك ژوان ژلایێ ئەمریكاڤە نەهاتییە سزادان، د دەمەكیدا 43 بانك ل پڕۆسا تەوتین یا فەرمانبەرێن عیراقێ پشكدارن و 25 ژوان ب ئەگەرێ سپیكرنا پارەی و ب قاچاخ ئینان و برنا دۆلاری ژلایێ وەزارەتا گەنجینەیا ئەمریکاڤە هاتینە سزادان و مامەلەكرن ب دۆلاری لێ هاتیە قەدەغەكرن.
