بۆچی هەتا نوكە لیستا موچەیێ هەیڤا دوو نەهاتییە ئامادەكرن؟

هەتا نوكە تەرازوویا پێداچوونا هەیڤا ئێك و لیستا موچەیێ هەیڤا دوو نەهاتینە ئامادەكرن.

ل دووڤ زانیارییان، هەتا ئەڤرۆ ئێكشەمبی 16/2/2025ێ، تەرازوویا پێداچوونێ و لیستا موچەیێ هەیڤا دوو نەهاتینە ئامادەكرن، داخواز ژ وەزارەتان هاتییە كرن، كار ل سەر بكەن و هەر دەمێ تمامبوو، بۆ وەزارەتا دارایی ب هنێرن.

ئەگەرێ گیروبوونێ بۆ وان گوهۆرینان ڤەدگەریت یێن دلیستا هەیڤا دوو دا هاتینەكرن، كو موچەیێ هەیڤا دوو دێ هەر ب لیستا موچەیێ هەیڤا ئێك هێتە دان، ب تنێ ناڤێ وان كەسان دێ هێتە دەرخستن، یێن ل ڤێ هەیڤێ خانەنشین بووین.

سەبارەت موچەیێ هەیڤا 12 یێ سالا بووری، چ دانوستاندن ل سەر نەهاتینە كرن، پێشتر بەغدا گوتییە ئەو دێ دانوستاندنان ل سەر موچەیێ ئەڤسالە كەن، نەكو یێ سالا بووری.