سه‌فین دزه‌یى: موچه‌ وه‌كو كارته‌كا سیاسى به‌رامبه‌ر موچه‌خۆرێن هه‌رێما كوردستانێ دهێته‌ بكارئینان

سه‌فین دزه‌یى به‌رپرسێ فه‌رمانگه‌ها په‌یوه‌ندییێن ژ ده‌رڤه‌ یێن حكومه‌تا هه‌رێما كوردستانێ ڕاگه‌هاند، شاندێ دانوستاندكارێ حكومه‌تا هه‌رێما كوردستانێ دگه‌ل هنارتییێن دیپلۆماسی ل هه‌رێما كوردستانێ ل سه‌ر ئاریشه‌یێن ڤێ دووماهییێ یێن دناڤبه‌را به‌غدا و هه‌ولێرێدا كۆمبوو.

سه‌فین دزه‌یى دیاركر، گه‌له‌ك جاران حكومه‌تا هه‌رێما كوردستانێ ب هندێ دهێته‌ تومه‌تباركرن كو پابه‌ندى ڕێككه‌ڤتنێن دناڤبه‌را هه‌ولێر و به‌غدا دا نابیت، هنارتییێن دیبلۆماسى دڤیان ڕوونكرنه‌كێ ل دۆر ڤێ چه‌ندێ ژ حكومه‌تا هه‌رێمێ وه‌ربگرن، داكو ب شێن ڕێیه‌ چاره‌یه‌كا بنه‌ره‌تى بۆ ڤان ئاریشه‌یان ببین.

ئاماژه‌ ب هندێ ژى دا، بابه‌تێ موچه‌ى وه‌كو كارته‌كا سیاسى به‌رامبه‌ر موچه‌خۆرێن هه‌رێما كوردستانێ دهێته‌ بكارئینان، سه‌ربارى هندێ كو دادگه‌ها فیدرالى ب خۆ بریاردابوو نابیت ئه‌و بابه‌ته‌ بهێته‌ سیاسیكرن، دڤێت حكومه‌تا فیدرال بجهبینیت.