چه‌ند بریاره‌ك بۆ پاقژكرنا ژینگه‌ها پارێزگه‌ها دهۆكێ هاتنه‌ ده‌ركرن

د. عه‌لی ته‌ته‌ر پارێزگارێ دهۆكێ چه‌ند بریار بۆ پاقژكرنا ژینگه‌ها پارێزگه‌ها دهۆكێ ڕاگه‌هاندن و دیاركر، هه‌ر كه‌سێ پێگیرییێ ب بریار و ڕێنمایان نه‌كه‌ت، دێ ڕێكار به‌رامبه‌ری وی هێنه‌ وه‌رگرتن.
ئه‌و بریارێن هاتینه‌ ده‌ركرن:
• هه‌موو ئه‌و جهێن كارێ پارزینگه‌هێ دكه‌ن، دێ ئه‌ڤرۆ هێنه‌ گرتن، نابیت ئێك پاریزگه‌ها نه‌قانوونی كاربكه‌ت.
• هه‌ر كارگه‌هه‌كا ببیته‌ ئه‌گه‌رێ پیسكرنا ژینگه‌هێ دێ هێته‌ داخستن، ئه‌ڤجا هه‌ر كارگه‌هه‌كا چ تشته‌كی به‌رهه‌مبینیت ئه‌و ئاریشه‌یا وییه‌.
• هه‌ر تشته‌كێ ببیته‌ ئه‌گه‌رێ پیسكرنا ژینگه‌هێ، دێ ب تۆندی ڕووبروو بین.
• مووه‌لیده‌ دڤێت بهێنه‌ فلته‌ركرن و بێده‌نگ كرن، ئه‌وێ ڤێ چه‌ندێ نه‌كه‌ت، دێ ڕێكار به‌رامبه‌ری وی هێنه‌ وه‌رگرتن.
• كونترۆلكرنا ئه‌وێ سووته‌مه‌نییێ بهێته‌ كرن ئه‌وا ژ ده‌رڤه‌ دهێت و دڤێت ل دووڤ كونترۆلی بیت.
• ب چ شێوه‌یان ڕێ ناهێته‌ دان دناڤ سه‌نته‌رێ باژێری ئاگر بهێته‌ هه‌لكرن.
• خۆدانێن وان ترۆمبێلان دێ هێنه‌ سزادان یێن ژینگه‌هێ پیس دكه‌ن.