ئەڤرۆ ل سەلاحەددین سەرۆك مەسعود بارزانی پێشوازی ل یان شنایدۆڤ، بالیۆزێ نوی یێ کۆمارا چیك ل عیراقێ کر.
د دیدارێ دا کو کارل کورتانێك، کۆنسولێ گشتییێ کۆمارا چیك ل هەولێرێ ژی ئامادەبوو، بالیۆزێ چیك پیرۆزباهییا ڕۆژا ئالایێ کوردستانێ ل سەرۆك بارزانی کر و هەروەسا پیرۆزباهییا سەرکەفتنا هەلبژارتنێن پەڕلەمانێ کوردستانێ ئاراستەی سەرۆك بارزانی کرن و هیڤی خواست دیالۆگا دناڤبەرا لایەنێن سیاسی ئەنجامێن باش بدەستڤەبینیت بۆ پێکئینانا کابینا نوی یا حکومەتا هەرێما کوردستانێ. هەروەسا سەرنج ئێخستە سەر پەیوەندییێن دناڤبەرا حکومەتا هەرێما کوردستانێ و کۆمارا چیك دا و ئامادەییا وەلاتێ خۆ نیشاندا بۆ پێشڤەبرنا زێدەتر یا پەیوەندییان د بوارێن جوداجودا دا.
ژلایێ خۆ ڤە سەرۆك بارزانی زێدەباری پیرۆزباهییان ب هەلكەفتا دەستبەکاربوونا وی وەك بالیۆزێ نوی یێ چیك ل عیراقێ، بەحس ل پەیوەندییێن دیرۆكی یێن دناڤبەرا گەلێ كورد و گەلێ چیك كر و هیڤی خواست پێشڤەبرنا زێدەتر ب خۆڤە ببینن. هەروەسا هیڤی خواست گوتوبێژێن دناڤبەرا لایەنێن سیاسی یێن هەرێما كوردستانێ دا دەرئەنجامێن ئەرێنی هەبن بۆ پێكئینانا كابینا نوی یا حکومەتێ.
ڕەوشا سیاسی و ئەمنییا عیراقێ و دەڤەرێ و دوماهی پێشهاتێن سووریا و داهاتوویێ وی وەلاتی ب تایبەت ماف و ڕۆلێ كوردان ل سووریا بهێت، تەوەرەكێ دی یێ كۆمبوونێ بوون.
