ئەڤرۆ سێشەمبی 10ی کانوونا ئێكێ 2024 ێ، مەسرور بارزانی سەرۆکێ حکومەتا هەرێما کوردستانێ، ل کۆچكا سافریە ل مەنامە، ل گەل شاهـ حەمەد بن عیسا ئالخەلیفە، شاهێ بەحرەینێ کۆمبوو.
شاهێ بەحرەینێ ستایشا پێشکەڤتن و ئاڤەدانی و ره‌وشا ئارامی و پێکڤە ژیانا هەرێما کوردستانێ ب رێبه‌رییا ژیر و حەکیمانە یا سەرۆک مەسعود بارزانی کر و ئامادەییا شاهنشینا بەحرەینێ بۆ پشته‌ڤانیکرنا هەرێما کوردستانێ د هەموو بیاڤاندا دەربڕی.
سەرۆکێ حکومەتێ سوپاس و پێزانینێن هەرێما کوردستانێ بۆ پشته‌ڤانی و هاریکارییا بەحرەینێ نیشاندا.
هەردو ئالی د هه‌ڤڕابوون و ڕێککەڤتن ل سەر گرنگییا بهێزکرنا پەیوەندییان و ڤه‌کرنا کونسولخانا بەحرەینێ ل هەرێما کوردستانێ و دەستپێکرنا گەشتێن ڕاستەوخۆ ژ مەنامە-هەولێر د داهاتی دا.
داوی گوهۆرینێن ره‌وشا گشتییا سووریێ و ده‌ڤه‌رێ، پشكه‌كا دیتر یا وێ کۆمبوونێ بوو.
