ژماره‌یه‌كا كونسۆل و دیپلۆماتكارێن وه‌لاتان دێ ل كۆمبوونا په‌رله‌مانێ كوردستانێ ئاماده‌بن

بڕیارە ل دەمژمێر 11:00ێ ئێكەم كۆمبوونا خۆلا شەشێ یا پەڕلەمانێ كوردستانێ بهێتە كرن، دووڤ ڕاگەهاندنا پەڕلەمانێ كوردستانێ، 19 كۆنسۆل و دیپلۆماتكارێن وەلاتان دێ تێدا مێڤان بن.
پرۆگرامێ ڕوونشتنا ئێكێ یا پەرلەمانێ کوردستانێ ژ چار خالان پێك دهێت:
ئێك: دەستپێکرنا ڕووشتنێ ب چەند ئایەتێن قورئانا پیرۆز.
دوو: بێدەنگ ڕاوەستییان بۆ ڕێزگرتنێ ل گیانێ پاقژ یێ شەهیدێن کوردستانێ.
سێ: گازیکرنا ب تەمەنترین کاندیدێ ئامادەبووی، ژ ناڤ کاندیدێن سەرکەفتی بۆ سوێندخوارنێ و ب ڕێڤەبرنا ڕووشتنێ.
چار: سەرۆکێ ڕوونشتنا ئێکێ یا خولا شەشێ، دێ کاندیدێن هەڵبژارتی گازی کەت بۆ سوێندخوارنا یاسایی.