ئه‌ڤڕۆ ئێکشەمبی 12/1 مەسرور بارزانى، سه‌رۆكێ حکومەتا هه‌رێما كوردستانێ، پێشوازی ل ئەلینا ڕۆمەناوسکی، باڵيۆزا ئه‌مريكا ل عێراقێ كر.
ل دەستپێکا وێ کۆمبوونێدا، سەرۆکێ حکومەتێ سوپاسییا باڵیۆزێ کر بۆ کارکرنا وێ ژ پێخه‌مه‌تی ب هێزكرنا پتر یا پەیوەندییێن دولایەنی.
تەوەرێ سەرەکییێ وان دانوستناندنان یێ تایبەت بوو ب مۆچە و ماف و شایستێن دارایی یێن هەرێما کوردستانێ” سەرۆکێ حکومەتێ گۆت: هەرێما کوردستانێ هەموو پابەندییێن خۆ یێن دەستووری بجهئینایه، له‌وما پێدڤییه حکومەتا فیدرالی مۆچە و شایستێن دارایی یێن خەلكێ کوردستان بێ پاشخستن و لێبڕین بهنێریت.
هەردو ئالی هه‌ڤڕابوون ل سەر هندێ” كو پشتی روونشتنا ئێكێ یا خولا شەشێ یا پەرلەمانێ کوردستانێ، پێدڤییە د زووترین ده‌مدا، حکومەته‌كا نوو و ئێکگرتی و بهێز بهێته پێکئینان” هەروه‌سا ته‌كه‌زی ل سه‌ر دەستپێکرنا هنارتنا نه‌فتا هەرێما کوردستانێ د ده‌مه‌كێ نێزیکدا هاته کرن.
باڵیۆزا ئەمریکا سوپاس و پێزانینێن خۆ بۆ حکومەتا هەرێما کوردستانێ دەربڕین و خواستا وه‌لاتێ خۆ ، بۆ بهێزتركا پەیوەندییان ل گەل هەرێما کوردستانێ دوپاتکر.
