ئه‌ڤرۆ چارشەمبی 13ی چریا دووێ 2024 ێ” ل سەلاحەدین سەرۆك مەسعود بارزانی پێشوازی ل محەمەد شیاع سوودانی سەرۆكوەزیرێن عێراقا فیدڕالی كر.
د وێ دیدارێ دا ره‌وشا سیاسییا عێراقێ و داوی گوهۆرین و پێشهاتێن ده‌ڤه‌رێ هاتنه به‌حسكرن و هەروەسا ته‌كه‌زی ل سه‌ر هندێ كر” كو د پەیوەندی و هەماهەنگییێن دناڤبه‌را حكومەتا هەرێما كوردستانێ و حكومەتا عێراقا فیدڕالێ دا پێنگاڤێن ئیجابی و باش هاتینه هاڤێتن.
هەر د وێ دیدارێدا محەمەد شیاع سوودانی سەرۆكوەزیرێن عێراقا فیدڕالی پیرۆزباهییا سەركەڤتنا هەڵبژارتنێن پەرلەمانێ كوردستانێ ل سەرۆك بارزانی كر و هیڤییا هندێ خواست كو بە زووترین ده‌م لایەن بگەهنە ڕێككەڤتنێ بۆ پێكئینانا كابینا نوو یا حكومەتا هەرێما كوردستانێ.
