نێچیرڤان بارزانی، سەرۆکێ هەرێما کوردستانێ ب هەلكەفتا یادا ژدایكبوونا موحەمەد پێغەمبەر سلاڤێن خۆدێ ل سەر بن، پەیامەك بەلاڤكر.
دەقێ پەیاما نێچیرڤان بارزانی:
د یادا ژدایکبوونا حه‌زره‌تێ موحەمەد پێغەمبەرێ ئیسلامێ سلاڤێن خۆدێ لێ بن دا، گەرمترین پیرۆزباهییان ئاراسته‌ی سەرجەم موسلمانێن كوردستانێ، عیراقێ و جیهانێ بگشتی دكەم.
هیڤیدارم ئه‌ڤ یادا پیرۆز، خێر و خۆشی و ئارامییێ بۆ مە هه‌مییان د گه‌ل خۆ دا بینیت و ببیته هاندەر‌ا نویبوونا پابه‌ندییێ ب ڕێنما و پەیام و به‌هایێن وێ یێن بلند.
د ڤێ یادێ دا، هیڤیخوازین ئاشتی و ئارامی ل هه‌می جهان پەیداببیت و دۆپاتییێ ل پێكڤەكاركرنا هەمەلایەنە ل پێناڤی جێگیربوونا زێدەتر یا كەلتوورێ پێكڤەیی و لێبوورینێ و گیانێ ئاشتەوایی و چەمكێن مرۆڤی ل ناڤ پێكهاتێن جوداجودا یێن كوردستانێ و عیراقێ دكەین.
