سه‌رۆك بارزانى ل دهۆكێ: مه‌ مێژوویه‌كا پرى ده‌ستكه‌ڤت هه‌یه‌

سه‌رۆك بارزانى ل دهۆكێ پشكدارى دنیشاندانا شانۆگه‌رییا ( داستانا كوردستانێ )دا كر و گوتاره‌ك پێشكێشكر.
سه‌رۆك بارزانى د گوتارا خۆدا گه‌له‌ك ب باشى به‌حسا شانۆگه‌رییێ كر و گوت: شانۆگه‌رى ڤه‌گه‌راندنا مێژوویا گه‌لێ كوردستانێ بوو ب شێوه‌یه‌كێ گه‌له‌ك ب ڕێك و پێك.
ل دووڤ ئاخڤتنێن سه‌رۆك بارزانى، گه‌لێ كوردستانێ مێژوویه‌كا گه‌له‌ك ده‌وله‌مه‌ند هه‌یه‌، لێ ب مخابنیڤه‌ مێژوویا خۆ نزانیت، له‌وما یا د جهێ خۆدایه‌ چالاكییێن هونه‌رى دڤى بیاڤیدا بهێنه‌كرن.
سه‌رۆك بارزانى دگوتارا خۆدا به‌رپرسێن حكومه‌تا هه‌رێما كوردستانێ و پارتى دیموكراتى كوردستان ڕاسپاردن، پشته‌ڤانییا ڤان جۆره‌ چالاكییان بكه‌ن.