وەزارەتا پێشمەرگەی بەلاڤكر، فەریق ڕوکن عیسا عوزێر، سەرۆکێ ئەرکانێ وەزارەتا پێشمەرگەی، ل گەل کۆلۆنێل والتەر، شیرەتكارێ بلند یێ سەربازیی هێزێن هۆلەندا ل هەرێما کوردستانێ كۆمبوو.
ل دویڤ ڕاگەهاندنا وەزارەتا پێشمەرگەی، د كۆمبوونێدا بابەتێن هەڤپشك دناڤبەرا وەزارەتا پێشمەرگەی و تیما سەربازییا وەلاتێ هۆلەندا ل هەرێما کوردستانێ، ل گەل پرسا چاكسازییێ ل وه‌زاره‌تا پێشمه‌رگەی هاتنە بەحسكرن و هەردوو لایان ب گرنگی بابەتێ هاریكارییێن هەڤپەیمانان بۆ هێزێن پێشمەرگەی گوتۆبێژكر.
سەرۆکێ ئەرکانێ وەزارەتا پێشمەرگەی و شیرەتكارێ بلند یێ سەربازیی هێزێن هۆلەندا ل هەرێما کوردستانێ، دووپات ل بەردەوامیدان ب پەیوەندییێن دناڤبەرا وەزارەتا پێشمەرگەی و تیمێن سەربازیی یێن هۆلەندا کر.
