دەرگه‌هه‌كێ نوو یێ گومركێ دناڤبه‌را دهۆک و نەینەوا دا دێ هێته‌ ڤه‌كرن

دەرگه‌هه‌كێ نوو یێ گومركێ دناڤبه‌را هەرێما کوردستانێ و نەینەوا دا دێ هێته‌ ڤه‌كرن” ئه‌و ده‌رگه‌هه‌ ب “سەد” یێ ناسیارە، دێ دناڤبه‌را پارێزگه‌ها دهۆک و نەینەوا دا بیت، ل سەر رێیا فه‌ییدییێ دێ بەرەف زالگه‌ها بەنداڤا مووسلێ بیت.

محەمەد کاکەیی، سەرۆکێ لژنا ئەمنی ل جڤاتا پارێزگه‌ها نەینەوا راگەهاند: هەر كه‌لوپه‌له‌كێ ژ هەرێما کوردستانێ دچیته‌ نەینەوا بۆ هندێ بەرەف باژێرێن دیترێن عێراقێ بهێنه‌ ڤه‌گوهاستن، دڤێت د وی ده‌رگه‌هی را بچن، ئه‌و دەرگه‌هێ سنووری ل سەر بنەمایێ بڕیاره‌كا جڤاتا وەزیرێن عێراقێیە و ل 20 ی خزیرانێ دێ هێته‌ ڤه‌كرن.

 ناڤهاتی گۆت ژی: هەر كه‌لوپه‌له‌كێ ل ده‌رگه‌هێ ئیبراهیم خەلیل دا دهێت و هاتبیته‌ گومرگ کرن، رێك دێ پێ هێته‌دان و ل دەرگه‌هێ سەد دا ناهێته‌ گومرك كرن، بەلێ هه‌ر كه‌لوپه‌له‌كێ ل ده‌رگه‌هێ نه‌فەرمییێن هەرێما کوردستانێ دا هاتبن، دێ هێنه‌ گومرك كرن.