ڕێڤەبەرییا نەهێلانا ماددێن هۆشبەر بەلاڤكرییە، سێ تۆمەتبار هاتینە دەستەسەر كرن، هەروەسا 90 كیلۆیێن حەبكێن هۆشبەر ژ جۆرێ ترامادۆل دەست ب سەردا هاتینە گرتن.
ڕێڤەبەرییا نەهێلانا ماددێن هۆشبەر د ڕاگەهاندنەكێ دا بەلاڤكرییە و تێدا هاتییە، د بەردەوامییا بزاڤێن ڕێڤەبەرییێ بۆ بەرهنگاربوون و نەهێلانا ماددێن هۆشبەر، پشتی دووڤچوونێ و كۆمكرنا پێزانینا و وەرگرتنا فەرمانا دادوەرێ لێكۆلینا ئاسایشێ، ل ڕۆژا 24ـی گولانێ 2024ێ، تیمەكا دووڤچوونێ ل گەل ڕێڤەبەرییا ماددێن هۆشبەرێن موسل، شیاینە سێ تۆمەتباران دەستە سەربكەن كو كارێ ڤەگۆهاستن و بازرگانیكرنێ ب حەبكێن هۆشبەر كرینە.
د ڕاگەهاندنێ دا هاتیە دیاركرن، هەر د ئەڤێ چالاكیێ دا ” 90 كیلۆیێن” حەبكێن ترامادۆڵ ل زاخۆ دەست ب سەردا هاتە گرتن و سێ تۆمەتبار ژی هاتنە دەستەسەركرن.
