جڤاتا وەزارەتا کارەبێ یا حکومەتا هەرێما کوردستانێ ب سەرپەرشتییا وەزیرێ کارەبێ “کەمال محەمەد سالح” كۆمبوونا خۆ یا ئاسایی کرد و چەند بڕیار ژی هاتنەدان.
وەزارەتا کارەبێ د ڕاگەهاندنەكێدا دیاركر، تەوەرێ كۆمبوونێ یێ تایبەت بوو ب بەرنامەیێ پێدانا کارەبێ د وەرزێ هاڤینێدا، هەروەسا بەرهەمئینانا کارەبێ ل ویستگەهێن بازیان، خەبات و ماس بهێتە زێدەكرن و ئەگەر گەلەك پێدڤی نەبیت، نابیت چاككرنا ویستگەهان بكەڤیتە د وەرزێ هاڤینێدا.
وەزارەتا کارەبێ ڕاگەهاند ژی، تیمێن چاكسازییان بۆ وەرزێ هاڤینێ د ئامادەباشییێ دانە بۆ چارەسەركرنا هەر ئاریشەكا تەكنیكی، بڕیارا كارپێدان و تەمامكرنا پڕۆژەیێن زیرەك ل هەمی باژێران هاتە دان، هەروەسا بڕیار ژی هاتەدان بەرهەمئینانا کارەبێ د وەرزێ هاڤینێدا زێدە بیت.
