ئەڤرۆ ڕۆژا پێنجشەمبی مەسرور بارزانی، سەرۆکێ حکومەتا هەرێما کوردستانێ پێشوازی ل تارق عەبدوللا ئەلفەرەج، بالیۆزێ کوێتێ ل عیراقێ و شاندێ ل گەل دا كر.
د كۆمبوونێدا سەرۆکوەزیران مەسرور بارزانی، دووپات ل گرنگییا ب هێزکرنا پەیوەندییێن دۆستانە یێن دناڤبەرا هەرێما کوردستانێ و دەولەتا کوێتێ کر کو دیرۆكەكا هەڤپشك د بەهەنگاربوونا ستەم و دكتاتۆریێ هەیە.
ژ لایێ خۆڤە، تارق عەبدوللا ئاماژە ب هندێ دا، کو دەولەتا كوێتێ ب چاڤێ ڕێز و گرنگییێ سەحدكەتە ڕۆل و پێگەهێ هەرێما کوردستانێ و خواستا وەلاتێ خۆ ژی بۆ گرنگیدانا پەیوەندییێن دوولایەنە دووپاتکر.
د تەوەرەكێ دی دا، دانوستاندن ل دۆر دەلیڤەیێن پێشڤەبرن ب وەبەرهێنانا كوێتێ ل هەرێما كوردستانێ د بیاڤێن جودادا كر.
